އަހަންމައިދީ އަކީ މާވަށި ހުރާ ގައި ހުރި އެންމެ ފަގީރު މީހާ. އޭނާ ދިރިއުޅެނީ ފަނުން ހަދާފައިވާ ކުޑަ ޖިފުޑި ގަނޑެއްގަ. ގިނަދުވަސްދުވަހު އަހަންމައިދީ ނިދަނީ ހައިބަނޑާ. ކާލާނެ އަދިބޯލާނެ އެއްޗެއްހޯދަން ކުރާ މަސައްކަތް ގިނަދުވަހު ވަނީ ނާކާމިޔާބު. އަހަންމައިދީ ދިރިއުޅޭ ޖިފުޑިއަކީ މީދަލާ، ކުރަފި އަދި އެހެނިހެން ސޫފާސޫފީގެ ހާއްޔެއް. ޖިފުޑީގެ އެތަންމިތަން ހުންނަނީ މަކުނުވަލުން ފުރިފަ. ޖިފުޑީގެ މެދުގައި އެއްފައިބިދި ފައިވާ ކުޑަ މޭޒެއްހުރޭ. ބައެއްފަހަރު އަހަންމައިދީ އޭނާގެ ނިކަމެތި ހާލާމެދު ވިސްނާލަން އެމޭޒުކައިރީ އިނދޭ.
އަހަންމައިދީގެ ފަގީރުކަމާ ދިރިއުޅޭ ޖިފުޑީގެ ހަޑިމުޑުދާރުކަމާ, ދުވާ ނުބައި ވަހުން ރަށު މީހުންވެސް ބަލަނީ އެޖިފުޑިއާ ވައިއެޅޭ ހިސާބަށްވެސް ނުގޮސް ވޭތޯ. ރަށުމީހުން އަހަންމައިދީއާ ގުޅުމެއްބާއްވާކަށް ބޭނުމެއްނުވޭ. އަހަންމައިދީ ސަލާމްޖަހާތީ. މަސައްކަތެއްނުކުރާތ. ހަޑި މުޑުދާރުކަމުން.
އެއްރެއްގެ އިރު އޮއްސުނުވަގުތު. ޖިފުޑީގެ ކަނެއްގައިހުރި ދަބަރު ޖަހާ ކަޅުވެފައިވާ ކުޑަގޮޑިއެއްގައި, ފުންވިސްނުމެއްގައި އަހަންމައިދީ އިން. ‘އަހަރެން މިހާ ފަގީރީ ކީއްވެބާ? އަހަރެންދެކެ މީހުން ފޫހިވަނީ ކީއްވެބާ? ކާލާނެ ކާއެއްޗެއް، ހިތްހަމަޖައްސާލަން ވާހަކަދައްކާލާނެ ރައްޓެއްސެއްވެސް ނެތް.’ އަހަންމައިދީ ހިތާހިތާ ޝަކުވާކުރަމުން ދިޔަ. ވިސްނަމުން ދިޔަ. ކުރާނެކަމަކާމެދު. ހަދާނެގޮތަކާމެދު. ރަށުގެ އެހެންމީހުން އުޅޭހެން ހަމަޖެހޭ ދިރިއުޅުމެއް އުޅެން އަހަންމައިދީވެސް ބޭނުންވޭ.
މިޚިޔާލުގެ ތެރޭގައި އިނދެ, އިށީނދެ އިން ގޮޑީން އަހަންމައިދީ ކުއްލިއަކަށް ތެދުވި. ދެފަޔަށް ބާރުލާ ހަލުވިހަރަކާއެއްގައި ޖިފުޑިން ނުކުތް. ބާރު ހިގުމެއްގައިގޮސް އަހަންމައިދީ ވަނީ މުހަންމަދުބޭ ގެއަށް. މުހައްމަދުބެއަކީ މާވަށި ހުރާގައި ހުރި ހަމައެކަނި ފަންޑިތަހަދާ މީހާ. އެއީ އަޚުލާގު ރަގަޅު ހިތްހެޔޮ، ފޯރާ، ތަނަވަސް މީހެއް. މުހައްމަދުބެ މަޝްހޫރުވެފައިވަނީ ބޭސްވެރިކަމުގެ ފަންޑިތައަށް. މާވަށި ހުރާގައި ހުންނަ ހޮސްޕިޓަލްތަކާއި ކްލިނިކް ތަކައްވުރެ މުހަންމަދުބޭ ގޭގައި އޮންނަ ބަލިމީހުންގެ ކިއު ދިގު.
ވަގުތަކީ މުހަންމަދުބެ ރޭގަނޑު ކާންއިންވަގުތު. ގޭދޮރުމަތީގައި މުހައްމަދުބޭގެ އިންތިޒާރުގައި ދެތިންމީހުން ތިބި. އެއަކަށް ބެލުމެއްނެތި އަހަންމައިދީ ދުވެގޮސްވަނީ މުހައްމަދުބޭ ގޭގެ ކާކޮޓަރިއަށް. “އަޅުގަނޑަށް އެހީއެއްވެދެއްވާ… ” މުހައްމަދުބެ ފެނުމާއެކު އަހަންމައިދީ ރޮއެގަތް. “މުހަންމަދުބޭ… އެހީއެއްވެދެއްވާ…” އަހަންމައިދީގެ ރުއިންވީ ހައްތަހާ ގަދަ. މުހައްމަދުބެ ތެދުވެ އަހަންމައިދީ އަތުގައި ހިފައިގެންއައިސް ކާމޭޒު ކައިރީ ބޭންދި. “ކޮއިފުޅާ ހަމަޖެހިބަލާ” ށޭ ބުނަމުން, މުހަންމަދުބެއާއެކު ކެއުމުގައި ބައިވެރިވުމަށް އަހަންމައިދީއަށް ދައުވަތުދިން. އަހަންމައިދީވެސް ރުއިން ހުއްޓާލާ އިސްޖަހައިގެން މަޑުމަޑުންގޮސް މޭޒުކައިރީ އިށީން. “އަޅުގަނޑަކީ ވަރަށް ފަގީރު މީހެއް، މިރަށުގައި ހުރި އެންނެ ނިކަމެތި މީހާ.. ކާނެ ބޯނެއެއްޗެއް، ލާނެ އަންނައުނެއް، އަޅާލާނެ ރަހުމަތްތެރިއެއް، އާއިލާގެ މީހެއް ނެތް ނިކަމެއްޗެއް” އަނެއްކާވެސް އަހަންމައިދީއަށް ގިސްލެވޭގޮތްވި. “އަޅުގަނޑަށް އެހީއެއްވެދެއްވާ..”
“ސަލާމް ޖެހުމަކީ ވަރަށް ގޯސްކަމެއް.. އަހަންމައިދީގެ އަތްފައިގައި ބާރުއެބަހުރި، އެހެންވީމާ މަސައްކަތްކުރެވޭނެ.. އަދި ލާރިވެސް ހޯދޭނެ” މުހައްމަދުބެ ވަރަށް އޯގާތެރިކަމާއެކު އަހަންމައިދީގެ ކޮނޑުގައި ފިރުމާލާ, ނަސޭހަތްދޭންފެށި.
“އަޅުގަނޑު ފަގީރުވީމަ އެއްވެސްމީހަކު އަޅުގަނޑަކަށް ވަޒީފާއެއްނުދޭ.. މަސައްކަތެއްނުދޭ..” އަހަންމައިދީ ޝަކުވާކޮއްލި. “އަޅުގަނޑަށް ފަންޑިތައެއް ހަދައިދެއްވާ.. ވަޒީފާއެއް، މަސައްކަތެއް ލިބޭތޯ.. އާދޭސް ކޮއްފަމިބުނީ”. މުހަންމަދުބެ ކައިނިމިގެން އަތްދޮވެލަންގޮސް ސިންކުކައިރީ ހުއްޓުނު.
“ތިކަހަލަ ކަމަކަށް މުހަންމަދުބެ ފަންޑިތައެއް ނަހަދަން..” ސިންކުގެ އިސްކުރު ބާރު ކޮއްލުމަށްފަހު މުހަންމަދުބެ އައިސް މޭޒުކައިރީ އިށީން. “އަނެއްކާ ތިމާގެ ތިކަހަލަ ހާލަތަކީ ފަންޑިތައަކުން ނުވަތަ ބޭހަކުން ބަދަލުކުރެވޭނެ ކަމެއްނޫން.. ތިމާގެ އަމިއްލަ މަސައްކަތުންނޫނީ ތިކަމެއް ރަނގަޅެއް ނުވާނެ..” މުހައްމަދުބެ ވަރަށް މަޑުމައިތިރިކަމާއެކު އަހަންމައިދީ އަށް ވިސްނައިދޭން މަސައްކަތް ކުރި.
“އެކަމަކުވެސް އަޅުގަނޑަށް ކޮންމެވެސް ކަމެއް ކޮއްދެއްވާ..” އަހަންމައިދީގެ އަޑުގައިހުރީ އާދޭހުގެ ރާގެއް.
އެވަގުތު މުހަންމަދުބެ ގޮޑިންތެދުވެގެން އެތާހުރި އަލަމާރިއެއްގެ ދޮރު ހުޅުވާލިއެވެ. އަދި އޭގެތެރެއިން ވަރަށް ރީތި ރަން މާވަށިގަނޑެއް ނެގިއެވެ. “މިއޮތީ އަހަރެން އަހަންމައިދީއަށްދޭ ހަދިޔާއެއް.. މިއީ ރަނުންހަދާފައިވާ މާވަށިގަނޑެއް.. ތިކަހަލަ ދެވަނަ މާވަށިގަނޑެއް ދުނިޔޭގައިވެސް ނުހުންނާނެ.. އަހަންމައިދީ މިގެންދޭ.. މީތި ވިއްކާލައިފިނަމަ އަހަންމައިދީއަށް އަމިއްލައަށް މަސައްކަތެއް ފަށައިގެން ރަނގަޅު ދިރިއުޅުމެއް އުޅެވޭވަރުވާނެ…” މާވަށިގަނޑު އަހަންމައިދީ އަތައް ދިއްކޮއްލަމުން މުހަންމަދުބޭ ބުންޏެވެ.
މުހަންމަދުބެއަށް ޝުކުރުއަދާކުރުމަށްފަހު، އަހަންމައިދީ ވަރަށް އުފަލުން އެގެއިން ނުކުމެގެން އޭނާގެ ޖިފުޑިއާދިމާއަށް ހިނގައިގަތެވެ. އަހަންމައިދީ އެދިޔަގޮތަށްގޮސް ޖިފުޑިތެރެއަށްވަދެ މާނަށިގަނޑު، އެއްފައިބިނދިފައިހުރި މޭޒުމަތީގައި ބެހެއްޓިއެވެ. އެއާއެކު މޭޒުއަރިއަރާޅުމުން އަހަންމައިދީ ހަލުވިހަރަކާތަކާއެކު މޭޒުވެއްޓުނަނުކީ ހިފެހެއްޓިއެވެ. އަދި މާވަށިގަނޑުގެ ރީތިކަމާމެދު ވިސްނަންފެށިއެވެ. “މީ ހާދަ ރީތި މާވަށިގަނޑެކެވެ. އަހަރެން މިމާވަށިގަނޑު ވިއްކާލާކަށް ބޭނުމެއްނޫނެވެ. އަހަރެންބޭނުމީ މިމާވަށިގަނޑު އަހަރެންގެންގުޅޭށެވެ…. އެކަމަކު މިމާވަށިގަނޑު ވިއްކާލައިފިނަމަ އަހަންނަށްވަރަށްގިނަ ކަންތައްތައްކުރެވޭނެއެވެ… ހަދަންވީ ކިހިނެއްބާވައެވެ..” އަހަންމައިދީ މިޚިޔާލުގެ ތެރޭގައި އިނދެވުނީ ކިހާއިރެއްވަންދެންކަމެއްވެސްނޭގުނެވެ. އަހަންމައިދީ އެ މާވަށިގަނޑަށް ހަދާނެގޮތަކާދޭތެރޭ ވިސްނަނީއެވެ.
އެންމެފަހުން އަހަންމައިދީ ނިންމީ މާވަށިގަނޑު ވިއްކާނުލާށެވެ. އަދި ޖިފުޑި ޒީނަތްތެރިކުރަން އެމާވަށިގަނޑު ބައިންދާށެވެ. “އެކަމަކު މިމާވަށިގަނޑު ބަހައްޓާނީ ކޮންތާކުބާވައެވެ؟ މިމޭޒުމަތީގައި މިހުއްޓާ ވެއްޓި ހަލާކުވެދާނެއެވެ. އަނެއްކާ މިއޮއްރީތި މާވަށި މިހާހަޑި މޭޒެއްގައި މަހައްޓާކަށް ހެޔޮނުވާނެއެވެ.. އެހެންމޭޒެއް ލިބޭތޯ ދާންވީއެވެ..” އަހަންމައިދީ މާވަށިގަނޑުނަގާ ޖިފުޑީގެ ކަނެއްގައި ބެހެއްޓުމަށްފަހު ދިޔައީ ގޮނޑާ ދިމާއަށެވެ.
އަހަންމައިދީގެ ނަސީބުވަރަށް ރަގަޅެވެ. އޭނާ ގޮޑަށްދިޔައިރު ގޮޑުގައި މީހަކުއެއްލާލާފައިވާ ވަރަށް އާ މޭޒެއް އޮތެވެ. އެމޭޒުއޮތީ ކުޑަކޮށް ހަލާކުވެފައެވެ. އެހެންނަމަވެސް އިތުރު ލަކުޑިކޮޅެއް ހޯދާލައިގެން ހަދާލެވޭވަރުވެއެވެ. އަހަންމައިދީ އެމޭޒާއި އެމޭޒުމަރާމާތު ކުރަންބޭނުންވާނޭ އިތުރު ލަކުޑި ކޮޅަކާއި މޮހޮރުކޮޅެއް ހޮވައިގެން އައީ އޭނާގެ ޖިފުޑިކައިރިއަށެވެ. ގޮޑުންހޮވި ވަރުތެލަކާއި މޮހޮރުކޮޅުން އަހަންމައިދީ މޭޒުމަރާމާތުކުރަންފެށިއެވެ. އަދި އިސާހިތަކު އަހަންމައިދީ ހޮވައިގެން ގެނައިމޭޒު މަރާމާތުކޮށް ނިންމާލިއެވެ. މިހާރު އެމޭޒަކީ ހަމަމުޅިން އާ ވަރަށް ރީތި މޭޒަކަށް ވެއްޖެއެވެ. ލުއި ހިނިތުންވުމަކާއެކު އަހަންމައިދީ ޖިފުޑިއަށްވަދެ އެތެރޭގައި ހުރި އެއްފައިބިނދިފައިހުރި މޭޒު ބޭރަށް ނެރުނެވެ. އަދި އާމޭޒު ވައްދާ މާވަށިގަނޑު އޭގެ މަތީގައި ބެހެއްޓިއެވެ. “މިހާރު ތަންކޮޅެއް ރަނގަޅެވެ..” އަހަންމައިދީ ހިތްހަމަޖެހުމުގެ ނޭވާއެއްލިއެވެ. ކުޑަކޮށް ހަމަޖެހިލުމާއެކު އަހަންމައިދީ ވެފައިހުރި ބަނޑުހައި އިހުސާސްކުރެވުނެވެ. އަދި ކާއެއްޗެއްހޯދާނެ ގޮތަކާމެދު ވިސްނަން ފެށިއެވެ. ކުއްލިއަކަށް އަހަންމައިދީ އަށް ފެނުނީ ބޭރުގައި ހުރި ބާކީ ލަކުޑިކޮޅުތަކާއި އެއްފައިބިނދިފައިހުރިމޭޒެވެ. “އެމޭޒު މަރާމާތު ކޮއްލާފައި ވިއްކާލެވޭތޯ ބަލަންވީއެވެ.. އޭރުން ކާއެއްޗެއްގަނެލެވިދާނެ..” އަހަންމައިދީ ބޭރަށް ނުކުމެ މަސައްކަތްފެށިއެވެ.
ލަސްތަކެއްނުވެ އަހަންމައިދީ އެމޭޒުވެސް މަރާމާތުކޮށް ނިންމާލިއެވެ. މިހާރު އެމޭޒަކީވެސް ބޭނުންކޮއްލަން ކަމުދާ ވަރުގެ މޭޒަކަށްވީއެވެ. އަހަންމައިދީ އެހިފައިގެން ދިޔައީ ބާޒާރުމައްޗަށެވެ. އަދި ވިއްކާލަން މަސައްކަތްފެށިއެވެ. “ސަތޭކަ ރުފިޔާއަށް މަތިގަނެފާނަން..” ބާޒާރުމަތިން ދިމާވި މީހަކަށް ސަތޭކަ ރުފިޔާއަށް އަހަންމައިދީ އެމޭޒު ވިއްކާލިއެވެ. އަދި ވެފާހުރި ހައިފިލުވާލުމަށް އޭނާ ދިޔައީ ބާޒާރު ހޮޓަލަށެވެ. ހޮޓަލަށް ގޮސް ބަތްކޮޅަކާ ރިހަކޮޅެއްގަނެގެން އަހަންމައިދީ ދިޔައީ އޭނާގެ ޖިފުޑި އަށެވެ. އަހަންމައިދީގެ ރީތި ރަންމާވަށިގަނޑުކުރިމަތީ، ރީތި މޭޒެއްގެ ކައިރީ އިނދެ އަހަންމައިދީ ބަނޑުފުރެންދެން އެރޭ ކެއެވެ. އަހަންމައިދީގެ މޫނުމަތިން ފެންނަންހުރީ ހިތްހަމަޖެހުމާއި ހިނިތުން ވުމެވެ. ލިބުނު ހިތްހަމަޖެހުމާއި، ވެފައިހުރި ވަރުބަލީގެ ސަބަބުން އަހަންމައިދީ އަށް އޭނަގެ ޖިފުޑިގަނޑުގެ ހަރު ބިންގަނޑުމަތީގައިވެސް ވަރަށް އަރާމު ނިންޖެއް އެރޭ ނިދާލެވުނެވެ.
އަނެއްދުވަހު އަހަންމައިދީއަށް ހޭލެވުނީ އިރުއަރާ ގަޔަށް އަވިދޭންފެށުމުންނެވެ. ހޭލެވުނުއިރު އަހަންމައިދީގެ މޫނުމަތީގައި ވަނީ ހިތްހަމަޖެހުމުގެ ކުލަވަރެވެ. އެންމެފުރަތަމަވެސް އަހަންމައިދީއަށް ބަލާލެވުނީ މޭޒުމަތީގައި ހުރި ރަން މާވަށިގަނޑަށެވެ. “މިހާހަޑި މިޑުދާރު ޖިފުޑިއަކާ މިމާވަށިގަނޑަކާ ނުގުޅެއެވެ.” އަހަންމައިދީގެ މޫނުމައްޗަށް ނުތަނަވަސްކަން ވެރިވިއެވެ. އަދި ތިމާމީހާގެ މުޑުދާރުކަމަށްޓަކައި އަމިއްލަ ނަފްސަށް މަލާމާތް ކުރެވުނެވެ.
ރޭގައި ކައި ބާކީ ހުރި ބޮތްކޮޅާއި ތިހަކޮޅު ކާލައިގެން އަހަންމައިދީ މަސައްކަތްފެށިއެވެ ފުރަތަމަ